21 лютага, у Міжнародны дзень роднай мовы, адусюль у дзіцячым садзе № 47 г. Баранавічы даносіліся родныя словы, мілагучныя песні і такія знаёмыя з дзяцінства беларускія вершы і казкі.
У кожнай групе выхавальнікі дашкольнай адукацыі, настаўнікі-дэфектолагі праводзілі розныя мерапрыемствы для выхаванцаў і іх бацькоў: працавалі інтэрактыўныя пляцоўкі, бацькі прымалі ўдзел у інтэрв'ю і апытанні "Ці добра вы ведаеце родную мову?".
Напярэдадні Міжнароднага дня роднай мовы мы прапанавалі нашым выхаванцам і іх бацькам прыняць удзел у чэленджы "Каб мова беларуская гучала". Вершы Я. Купалы, Я. Коласа, Н. Гілевіча, П. Панчанкі, Л. Пранчака ўвесь день гучалі з вуснаў дзяцей і дарослых.
Чытайце дзецям беларускія казкі, апавяданні і вершы беларускіх пісьменнікаў. Размаўляйце па-беларуску, бо родная мова – тое, што нас яднае!